Հինգ միջոց լսողությունը պահպանելու համար. news.am

Աշխարհում 275 միլիոնից ավելի մարդ տառապում է խլությունից եւ լսողության խանգարումներից, սակայն այս խնդիրները երբեմն կարելի է կանխարգելել մի շարք պարզունակ միջոցներով:

Ձեր ուշադրությանն է ներկայացվում մի քանի հասարակ միջոց, որոնք կօգնեն պահպանել լսողությունը մինչեւ խոր ծերություն:

1. Հետեւե՛ք զարկերակային ճնշմանը. հետեւեք զարկերակային ճնշմանը, քանի որ բարձր զարկերակային ճնշմամբ մարդկանց մոտ շատ հաճախ են զարգանում լսողության հետ կապված խնդիրները (ինչպես նաեւ այլ խնդիրներ): Հիշեցնենք, որ նորմալ ճնշում է համարվում 120/80 ճնշումը: Եթե Ձեզ մոտ այն ավելի բարձր է, մասնագետները խորհուրդ են տալիս նվազեցնել աղի օգտագործումը (քանի որ վերջինս դանդաղեցնում է հեղուկի ելքը օրգանիզմից): Իսկ եթե ավելորդ քաշ ունեք, փորձեք ազատվել դրանից եւ սկսել ավելի ակտիվ ու առողջ ապրելակերպ վարել: Եթե ինքնուրույն հաղթահարել բարձր ճնշման խնդիրը չի ստացվում, անպայման դիմել բժշկի:
   
   
2. Հետեւե՛ք արյան մեջ շաքարի պարունակությանը. ընդունված է կարծել, որ շաքարային դիաբետով տառապող մարդկանց մոտ լսողության հետ կապված խնդիրները 5 անգամ ավելի հաճախ են հանդիպում, քան առողջ մարդկանց մոտ: Այդ պատճառով NEWS.am Medicine-ը խորհուրդ է տալիս հետեւել արյան մեջ շաքարի պարունակությանը եւ խուսափել սթրեսներից, որոնք կարող են հանգեցնել նյութափոխանակության խանգարմանը:
   
   
3. Խուսափե՛ք ակուստիկ վնասվածքներից. աշխատեք խուսափել ակուստիկ վնասվածքներից: 40 դԲ ուժգնությամբ մշտական աղմուկի գործոնը (սովորական զրույց) աստիճանաբար նվազեցնում է լսողության սրությունը, իսկ 60 դԲ-ից ավելի աղմուկը կարող է հանգեցնել ակուստիկ միկրովնասվածքների:
   
   
4. Ականջակալներով երաժշտություն մի՛ լսեք. աշխատեք որքան հնարավոր է ականջակալներով երաժշտություն քիչ լսել՝ առավել եւս՝ շատ բարձր, քանի որ դա կարող է վնասել ականջների թմբկաթաղանթը՝ առաջ բերելով մի շարք լուրջ խնդիրներ:
   
   
5. Մի՛ մոռացեք կանխարգելիչ միջոցների մասին. նախընտրելի է ժամանակ առ ժամանակ հետաքննություն անցնել համապատասխան բժշկի մոտ՝  հիշելով, որ ցանկացած խնդիր շատ ավելի հեշտ է լուծվում, քանի դեռ բարդացումներ չկան:
   
   

Հարցեր, պատասխաններ, մեկնաբանություններ